"Kanal14.az” Türkiyənin "hurriyet” qəzetinə istinadən xəbər verir ki, Xarici işlər naziri Mövlud Çavuşoğlu ilə Finlandiyanın xarici işlər naziri Pekka Haavisto arasında telefon danışığı olub.

Finlandiyanın NATO-ya üzvlük protokolunun təsdiqi ilə bağlı qanun layihəsi dünən Türkiyə Böyük Millət Məclisinin Baş Assambleyasında qəbul edilib.
NATO-nun baş katibi Yens Stoltenberq qanun layihəsinin Türkiyə Böyük Millət Məclisinin Baş Assambleyasında qəbul edilməsini alqışladığını bildirib.

Finlandiya prezidenti Sauli Niinistö deyib ki, "Finlandiya NATO-nun təhlükəsizliyinə sadiq güclü müttəfiq olacaq".

Finlandiyanın baş naziri Sanna Marin bütün ölkələrə göstərdikləri dəstəyə görə təşəkkür edib və "Müttəfiqlər olaraq qarşılıqlı təhlükəsizliyi təmin edəcəyik. Bir-birimizi müdafiə edəcəyik" - deyə vurğulayıb.

Kanal14.az
Fatimə Kamalqızı