"kanal14” APA-ya istinadən xəbər verir ki, hadisə paytaxtın Sabunçu rayonunda baş verib. 1971-ci il təvəllüdlü Xəlil Xəlilov Sabunçu Rayon Polis İdarəsinə müraciət edərək keçmiş arvadının dayısı oğlu, 1990-cı il təvəllüdlü Cəmil Kamalovun onu, "Azsamand” markalı avtomobilinə zorla mindirərək Ramana qəsəbəsi istiqamətinə apardığını, orada onu döydüyünü və 700 dollar, 900 manat pulunu aldığını bildirib.

Daha sonra C.Kamalov X.Xəlilovu tapança ilə hədələyib.

Daxil olan müraciət əsasında Sabunçu Rayon Polis İdarəsi tərəfindən araşdırmalara başlanıb. C.Kamalovu saxlanılıb.

Faktla bağlı araşdırma aparılır.