Bakıda mənzildə kişi meyiti tapılıb.

Bu barədə Kanal14.az Fövqəladə Hallar Nazirliyinin saytına istinadən bildirir. Xəbərə görə, nazirliyin "112" qaynar telefon xəttinə daxil olan məlumata əsasən, Bakı şəhərinin Sabunçu rayonunda 1 nəfər mənzildə bağlı qapı arxasında köməksiz vəziyyətdə qalıb.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri mənzilin giriş qapısını açıb və orada aşkarlanan 1971-ci il təvəllüdlü Qasımov Nəsimi Şahlar oğlunun meyitini aidiyyəti üzrə təhvil veriblər.