Qarabağın Azərbaycanın bir hissəsi kimi tanınması Ermənistanın qələbəsi hesab edilir.

"Kanal14.az" xəbər verir ki, bu barədə Qarabağda yaradılmış separatçı rejimin sonuncu lideri Samvel Şahramanyan deyib. 

O, bu barədə Ermənistan hakimiyyətinin bəyanatlarından təəssüfləndiyini qeyd edib: "Qarabağın Azərbaycanın bir hissəsi kimi tanınmasını Ermənistanın qələbəsi hesab edən yüksək vəzifəli məmurlar var. Mən bu cür ifadələri eşitdiyimə görə təəssüflənirəm. O məmurlar bizim Ermənistanda qonaq olduğumuzu hesab edir. Ermənistan hökumətinin bütün üzvlərinin və xalqın belə düşündüyünə böyük şübhəm var. O adamlara deyəcək sözüm yoxdur".