Bakının Sabunçu rayonunda yol qəzası zamanı bir nəfər ağır xəsarət alıb.

Kanal14.az bildirir ki, hadisə Kürdəxanı qəsəbəsində qeydə alınıb.

Paytaxt sakini, 1965-ci il təvəllüdlü Ağayarov Kazım Ağayar oğlu yolun kənarında hərəkət edən zaman yüksək sürətlə gələn minik avtomobili onu vurub. Yaralı təcili təxirəsalınmaz tibbi yardım xidməti vasitəsilə 3 nömrəli şəhər klinik xəstəxanasına yerləşdirilib.

Yaralı xəstəxanaya komatoz vəziyyətdə daxil olub.

Sabunçu Rayon Polis İdarəsinin əməkdaşları hadisəni törədən sürücünü saxlayıb.

(Ona.az)