G7 liderləri fevralın 24-də görüşəcək.
"Kanal14.az" xəbər verir ki, o, videokonfrans formatında keçiriləcək və Ukraynada xüsusi hərbi əməliyyatın başlanmasının ikinci ildönümünə təsadüf edəcək.

Bu barədə İtaliya hökumətindəki mənbə məlumat yayıb.

2023-cü ildə Ukrayna prezidenti Volodimir Zelenskinin iştirakı ilə belə bir görüş də video formatda keçirilib.

G7-nin əsas sammiti iyun ayında İtaliyanın cənubundakı Puglia şəhərində keçiriləcək. Fevralın 16-dan 18-dək keçiriləcək Münhen Təhlükəsizlik Konfransı çərçivəsində qrup ölkələri xarici işlər nazirlərinin ilk tam formatlı görüşü baş tutacaq.