Rusiya və Qırğızıstan prezidentləri Moskvada görüşəcək
Rusiya Prezidenti Vladimir Putin və Qırğızıstanın yeni seçilmiş Prezidenti Sadır Japarov görüşəcəklər.
APA-nın TASS-a istinadən verdiyi xəbərə görə, bu barədə Kremlin mətbuat xidməti məlumat yayıb.
Görüş Qırğızıstan Prezidentinin Rusiyaya səfəri çərçivəsində fevralın 24-də Moskvada baş tutacaq.
Bildirilib ki, liderlər siyasi, ticarət-iqtisadi, mədəni və humanitar sahələrdə Rusiya-Qırğızıstan əməkdaşlığının vəziyyətini və gələcək inkişaf perspektivlərini müzakirə edəcəklər.