Qayana və Venesuela mübahisəli Essequibo bölgəsi ilə vəziyyəti güc tətbiq etmədən müzakirə etməyə razılaşıblar. 

"Kanal14.az" xəbər verir ki, bu barədə iki ölkə liderləri danışıqların yekunlarına dair birgə bəyanat yayıblar.  

Tərəflər 1966-cı il Cenevrə razılaşmasına uyğun olaraq ziddiyyətləri həll edəcəkləri barədə razılığa gəliblər. 

"Qayana və Venesuela birbaşa və ya dolayısı ilə heç bir şəraitdə, o cümlədən hər iki dövlət arasında mövcud olan hər hansı fikir ayrılıqlarından irəli gələn şəraitdə bir-birini təhdid etməyəcək və ya güc tətbiq etməyəcək”, - Venesuela Prezidenti Nicolas Maduro deyib. 

Tərəflər  Karib dənizindəki Sent Vinsent adasında görüşüblər.