Tacikistanın Düşənbə şəhərinin ətrafında 4,3 bal gücündə zəlzələ baş verib.

"Kanal14.az" xəbər verir ki, bu barədə Mərkəzi Asiyada zəlzələləri izləyən Özbəkistan Fövqəladə Hallar Nazirliyinin Seysmik Proqnozların Monitorinqi Mərkəzi məlumat yayıb.

Bildirilib ki, yeraltı təkanlar yerli vaxtla saat 06:24-də (Bakı vaxtı ilə 05:24) baş verib.

Seysmohadisənin ocağı 153 km dərinlikdə yerləşib. Dağıntı və tələfat barədə məlumat verilməyib.