"Kanal14.az” Türkiyənin " Hürriyət” qəzetinin bu güngü sayına istinadən xəbər verir ki, dünya aylardır Rusiya ilə Ukrayna arasında gedən müharibəni qorxu içində izləyir. Ukraynada müharibə tam sürətlə davam edir. Amma Ukraynadan minlərlə kilometr aralıda da münaqişə ehtimalı var. Çin və Tayvan arasında gərginlik davam etsə də, Koreya yarımadasında gərginlik pik həddə çatıb.

Kim Çen Inın rəhbərlik etdiyi Şimali Koreya dünyanın ən qapalı və "sirli” ölkələrindən biri hesab olunur.

İnternetə çıxışın məhdudlaşdırıldığı ölkədə milyonlarla insan tamam başqa "reallıqda” yaşayır.

Dünya ilə əlaqənin sərt şəkildə cəzalandırıldığı ölkə həm də son dərəcə böyük orduya ev sahibliyi edir.

Yaponiyanı təşvişə salan addım son vaxtlar hərbi xərclərini xeyli artıran Şimali Koreyadan gəlib.

Şimali Koreyanın raket təlimindən sonra Yaponiya təşvişə düşüb. Şimaldakı Hokkaydo adasında sirenlər səsləndiyi üçün hökumət fövqəladə vəziyyət elan edib.

Camaatı sığınacaqlara getməyə çağıran səlahiyyətlilər, daha sonra fövqəladə vəziyyət elanını ləğv ediblər. Baş nazir Fumio Kişida raketin Yaponiya torpaqlarına düşmədiyini bildirib .

Yaponiya rəsmiləri erkən xəbərdarlıq sistemində heç bir səhv olmadığını və Hokkayda ictimaiyyətinə edilən çağırışın məqsədəuyğun olduğunu bildiriblər.

Sahil mühafizəsi raketin dənizə düşdüyünü açıqlayıb. Şimali Koreya bu il raket təlimlərini intensivləşdirib.

Şimali Koreya lideri Kim Çen In ABŞ və Cənubi Koreyanı Amerika silahları ilə hərbi təlimlər keçirməkdə ittiham edərək, ölkəsini nüvə zərbəsi endirməyə hazır olmağa çağırıb.

Bunun çəkindirici bir hərəkət olacağı iddiasını vurğulayan Kim, bu qiymətləndirməni etdi;

"Şimali Koreyanın nüvə gücü yüksək döyüş hazırlığı ilə düşmənin ehtiyatsız hərəkətlərini və təxribatlarını güclü şəkildə çəkindirəcək, onlara nəzarət edəcək və istiqamətləndirəcək və istənilən arzuolunmaz vəziyyətdə öz mühüm vəzifəsini tərəddüd etmədən yerinə yetirəcək”.

Digər xəbərə görə, Cənubi Koreyanın Birləşmiş Qərargah Rəisləri AFP-yə verdiyi açıqlamada, Şimali Koreyanın cümə axşamı keçirdiyi təlimlər zamanı "ehtimal ki, bərk yanacaqdan istifadə etməklə yeni tip ballistik raket atdığını" bildirib.

AFP-nin məlumatına görə, Pxenyanın məlum olan bütün qitələrarası raketləri maye yanacaqla işləyir. Bununla belə, qurudan və ya sualtı qayıqlardan buraxıla bilən bərk yanacaqlı ICBM raketləri prezident Kim Çen Inın istəkləri sırasındadır.

Belə raketlərin saxlanması və daşınması daha asandır, həmçinin yüksək sürətdir. Buna görə də aşkar etmək və məhv etmək daha çətindir.
Birləşmiş Ştatlar isə Şimali Koreyanın "uzaq mənzilli ballistik raketlər” kimi xarakterizə etdiyi raketlərin həyata keçirilməsini pisləyib.

Kanal14.az
N.Məmərli