Baş nazir tükənmiş uranla Amerikanın Abrams tankları üçün sursat istehsal etmək niyyətində olduğunu açıqlayıb
Polşa öz ərazisində tükənmiş uranla Amerikanın Abrams tankları üçün sursat istehsal etmək istəyir.
"Kanal14.az"ın RİA Novosti-yə istinadən məlumatına görə, bunu respublikanın baş naziri Mateuş Moravetski deyib, onun çıxışını Polşa televiziyası yayımlayır.
"Biz Polşada Abrams tankları üçün döyüş sursatı, tükənmiş uranla döyüş sursatı, ən müasir döyüş sursatı istehsalına ev sahibliyi etməyə çalışırıq”, - deyə siyasətçi bildirib.
Tükənmiş uran ondan izotop-235 təcrid edildikdən sonra alınır. Sıxlıq baxımından volframa yaxındır ki, bu da onu daha kiçik ölçülü, lakin daha böyük zərərverici təsirə malik olan subkalibrli zirehdələn mərmilərin nüvələrində istifadə etməyə imkan verir. Tükənmiş uranın radioaktivliyi təbii filizdən daha azdır, lakin digər ağır metallar kimi o, zəhərlidir və kütləvi onkoloji xəstəliklər də daxil olmaqla, sağlamlıq üçün son dərəcə mənfi nəticələrə səbəb ola bilər.
Mart ayında Böyük Britaniya müdafiə nazirinin müavini Annabelle Qoldi Ukraynaya "Challenger 2” tankları üçün nəzərdə tutulmuş tükənmiş uran zirehini deşən mərmilər tədarük etmək planlarını açıqlamışdı.
Kanal14.az
Ulduz Talıblı
