Bu yaxınlarda Microsoft süni intellekt (AI) funksiyalarını öz proqramlarında və xidmətlərində, xüsusən də Microsoft Edge brauzerində fəal şəkildə tətbiq edir ki, bu da şübhəsiz ki, onu daha cəlbedici və rəqabətli edir.

"Kanal14.az" "bing.com"a istinadən bildirir ki, ndi bu brauzerin veb versiyasında şəkil yaratma vasitəsi olan Bing Image Creator var.

Microsoft-un bloq yazısında qeyd edildiyi kimi, yeni alət hələ mövcud olmayan şəkilləri yaratmağa kömək edəcək. Bununla, bir sosial media yazısı və ya hətta PowerPoint üçün tez bir şəkildə şəkil yarada bilərsiniz.

Keçən ay buraxılan Bing Image Creator, mətn təsvirlərindən şəkillər yarada bilən DALL-E 2 neyron şəbəkəsinin dəyişdirilmiş versiyasıdır. Bu xidmət burada və Bing smart axtarış sistemində hər kəs üçün əlçatandır . İndi isə aləti brauzerin yan panelinə əlavə etmək mümkündür.

Bu panel ümumiyyətlə Bing Image Creator-un veb versiyası ilə eyni işləyir, lakin daha yığcam interfeysə malikdir və onun yan panelə sığmasına imkan verir. Bu funksiyanı aktivləşdirmək üçün paneldəki (+) düyməsini sıxmaq və Image Creator-u aktivləşdirmək kifayətdir.

Brauzerinizdə hələ bu funksiyanı aktivləşdirmək üçün düymə yoxdursa, o, daha sonra görünəcək, çünki bu yeni funksiya tədricən qlobal miqyasda yayılır.

Kanal14.az
Asiman Əsədsoy