"Kanal14.az" YLE ictimai yayım şirkətinə itinadən xəbər verir ki, ilkin nəticələrə əsasən, Finlandiyada bazar günü keçirilən parlament seçkilərində baş nazir Sanna Marinin rəhbərlik etdiyi Sosial Demokrat Partiyası mühafizəkarlara uduzub.

Səsvermə bülletenlərinin hesablanmasının nəticələrinə görə, Petteri Orponun rəhbərlik etdiyi Milli Koalisiya Partiyasından müxalifət mühafizəkarları 20,8 faiz, Finlər Partiyasından Riikka Purranın başçılıq etdiyi sağ populistlər 20,1 faiz səs toplayıb. və Sanna Marinin rəhbərlik etdiyi Sosial Demokrat Partiyası 19,9 faiz səslə üçüncü yeri tutub.

Seçkinin yekun nəticələri çərşənbə günü elan ediləcək, lakin Marin artıq məğlubiyyətini etiraf edib.

YLE-nin hesablamalarına görə, Milli Koalisiya Partiyası yeni parlamentdə 48, Finlər Partiyası 46, Sosial Demokratlar isə 43 yerə sahib olacaq. Bu partiyaların heç biri isə müstəqil hökumət qura bilmir və ona görə də koalisiya yaratmalıdırlar. Əksəriyyət üçün parlamentdə 100-dən çox yer lazımdır.

Parlament seçkilərində səs çoxluğu qazanan partiya yeni hökuməti formalaşdırmaqda üstünlük hüququna malik olacaq. Milli Koalisiya Partiyasının lideri Petteri Orpo artıq bütün siyasi qüvvələrlə koalisiya hökuməti danışıqlarına hazır olduğunu bəyan edib.

Kanal14.az
Anarə Muhəmməd