Avropa İttifaqı Moldova üçün Rusiya Federasiyasından yüksək risklər görür. Lakin, Kişinyovun bu təhlükə və çağırışlara qarşı durmaq qabiliyyətinə əmindir.

"Kanal14.az" "İnterfaks”a istinadən xəbər verir ki, bunu Brüsseldə jurnalistlərə Aİ-nin xarici siyasət xidmətinin nümayəndəsi Piter Stano bildirib.

Onun sözlərinə görə, "Moldova Rusiyanın Ukraynaya qarşı hərəkətləri ilə bağlı ən çox mənfi təsirə məruz qalan ölkələrdən biridir”. "Son aylarda Rusiyanın Moldovaya qarşı hərəkətlərində artım müşahidə etdik: Xarici müdaxilə, dezinformasiya, hibrid hücumlar...

Bunun məqsədi bəllidir - ölkədə sabitliyi pozmaq, sabitliyi pozmaq, islahatlara və korrupsiyaya qarşı mübarizəyə yönəlmiş Moldova hökumətini şübhə altına almaq”, - deyə, Stano bildirib.

O, Moldovanın bu təhdid və çağırışların öhdəsindən gələ biləcəyinə əminliyini ifadə edərək, Aİ-nin "müqavimət göstərmək qabiliyyətini gücləndirməkdə Moldovaya dəstəyini davam etdirəcəyini” vurğulayıb. Stano təsdiqləyib ki, Aİ Moldovaya mülki məsləhət missiyası göndərməyi nəzərdən keçirir, hələ üzv dövlətlər tərəfindən razılaşdırılmayıb. Missiya Moldovanın sabitliyini və təhlükəsizliyini dəstəkləmək üçün nəzərdə tutulub.

Kanal14.az
Ulduz Talıblı