Ukraynadakı azərbaycanlılar təxliyə ediləcək?
"Hazırda biz Kiyevdə səfirlikdəyik. Vəziyyətlə bağlı mətbuatdan məlumat alırıq. Açığı deyim ki, çox dezinformasiyalar yayılır. Biz yalnız rəsmi mənbələrdə olan məlumatları izləyirik”.
"Kanal14.az" xəbər verir ki, bu sözləri Azərbaycanın Ukraynadakı səfirinin müşaviri Sabir Rzayev deyib:
"Qarşıdurma var. Müxtəlif istiqamətlərdən, müxtəlif vilayətlərdən, tək şərqdən yox, qərbdən də hərbi obyektlərin bombalanması xəbərləri var”.
Müşavir Ukraynadakı azərbaycanlıların təxliyə edilməsi məsələsinə də toxunub:
"Nə qədər vətəndaş sayı olduğunu müəyyənləşdirməyə çalışırıq. Çünki burada olan, daimi yaşayan azərbaycanlılar üzrə müəyyən məlumatlar var. Amma vətəndaşların sayı ilə bağlı tam dəqiq məlumat yoxdur”.
