kanal14.az
kanal14.az

Azərbaycana 250 milyon kredit ayrıldı - Səbəb

Azərbaycana 250 milyon kredit ayrıldı - Səbəb
7-07-2021, 16:18 53 dəfə baxılıb

Azərbaycana 250 milyon kredit ayrıldı - Səbəb

 

 

Asiya İnkişaf Bankı (ADB) koronavirus pandemiyasının tibbi, sosial, iqtisadi fəsadlarını yumşaltmağa dair Azərbaycan hökumətinin əhatəli planını həyata keçirməsinə kömək məqsədilə 250 milyon ABŞ dolları məbləğində kredit ayırıb.

Kanal14.az axar.az-a istinadən xəbər verir ki, məsələ ilə bağlı danışan ADB-nin baş direktoru Masatsuqu Asakava COVİD-19 pandemiyasının davam edən fəsadlarının Azəraycanın iqtisadiyyatını təkmiləşdirmək, yoxsulluğu azaltmaq istiqamətində qazandığı mühüm uğurları yox etmək təhlükəsini yaratdığını deyib.

"ADB Azərbaycanı dəstəkləməyə sadiq qalır və bu proqram da hökumətin pandemiyaya cavab tədbirlərini davam etməyə, kasıb və həssas təbəqələri qorumağa, iqtisadiyyatın dirçəlməsinə zəmin yaratmağa kömək olacaq”, - baş direktor bildirib.

ADB-nin Koronavirus Yardım, Dəstək, İqtisadi Təhlükəsizlik (CARES) proqramı hökumətin səhiyyə, sosial müdafiə, makroiqtisadi sabitlik sahəsindəki tədbirlərinə maliyyə dəstəyini təmin edəcək. Proqram çərçivəsində qadınlara dəstək tədbirləri mühüm yer tutur. Belə ki, qadın səhiyyə işçiləri üçün uyğun ölçüdə fərdi qoruma vasitələrinin təmini, icbari tibbi sığortanın, yaşa görə təqaüdlərin, ünvanlı sosial yardımın, aztəminatlı ailələr üçün faizsiz təhsil kreditlərinin, məcburi köçkünlər üçün kommunal xidmətlərlə bağlı müavinətlərin qadınlara şamil olunması və s. nəzərdə tutulur.

Bununla yanaşı, dövlət maliyyə vəsaitlərinin idarəetməsi sahəsində aparılan islahatları dəstəkləmək üçün ADB tərəfindən 250 min dollar texniki yardım ayrılacaq.







Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA