Ötən il "Qarabağ”a keçən Xayme Romeronun transfer qiyməti müəyyənləşib. "Qafqazinfo” İspaniya mətbuatına istinadən xəbər verir ki, Ağdam təmsilçisinin 30 yaşlı hücumçu üçün "Kordoba”ya ödədiyi məbləğ açıqlanıb.

Məlumata görə, "Kordoba” 2015-ci ildən bəri yalnız iki oyunçunun transferindən qazanc götürüb.  Onlardan biri də məhz Xaymedir. "Qarabağ”ın ispaniyalı futbolçu üçün 500 min avro ödədəyi qeyd edilib.

Qeyd edək ki, Xayme Romeronun "Qarabağ”la müqavilə müddəti 2022-ci ilin yayına qədərdir.