Avropa Liqasının qrup mərhələsində "Sivasspor”la qarşılaşacaq "Qarabağ”ın Türkiyəyə səfər proqramı müəyyənləşib.

Kanal14.az bildirir ki, Ağdam təmsilçisi matçın baş tutacağı İstanbula noyabrın 25-də gedəcək.

Qurban Qurbanovun kollektivini qardaş ölkəyə aparacaq təyyarənin saat 12:00-da Heydər Əliyev Beynəlxalq Hava Limanından hərəkət etməsi gözlənilir. Azərbaycan çempionunun həmin gün qarşılaşmanın oynanılacağı "Başakşəhər Fatih Terim” stadionunda son məşqi olacaq.

Qeyd edək ki, noyabrın 26-da keçiriləcək "Qarabağ” – "Sivasspor” görüşü Bakı vaxtı ilə 21:55-də start götürəcək.