Qərb bölgəsində güclü külək sakinlərə ciddi ziyan vurub – VİDEO
Qazax rayonunda güclü külək bir sıra fəsadlar törədib. Rayonun mərkəzi küşələrindən olan Mirvarid Dilbazi küçəsində iri gövdəli şam ağacının qırılması nəticəsində elektrik dirəkləri, eləcə də naqillər sıradan cıxıb. Eyni zamanda ağacın ağırlığına tab gətirməyən kabellərdə bir neçə sayğacı da divardan qoparıb. Elektrik enerjisi verilişində fasilələr yaranıb.
Rayonun Xanlıqlar kəndi ərazisində də güclü külək bir neçə ağacı kökündən çıxarıb. Aşan ağaclardan biri park halında olan avtomobilin üzərinə düşüb.
Məsələ ilə əlaqədar aidiyyəti qurumlar yaranmış problemlərin aradan qaldırılması istiqamətində işlər aparır. Hazırda rayonun ərazisində hava şəraiti sabitdir.
