Pişiklərin sözləri şəkillərlə əlaqələndirə bildikləri məlum olub.

"Kanal14.az" xəbər verir ki, bu barədə araşdırmanı Yaponiyanın Azabu Universitetinin alimləri aparıblar.

Aparılan araşdırmalar göstərib ki, pişiklər adlarına cavab verir və tanıdıqları insanların fotoşəkillərini adları ilə uyğunlaşdıra bilirlər.

Tədqiqatçılar 31 yetkin ev pişiyi ilə pişiklərin şəkilləri təsadüfi sözlərlə əlaqələndirə bilib-bilmədiyini öyrənmək üçün araşdırma aparıblar. 

Təcrübədə pişiklərə körpələrin dil inkişafı araşdırmalarında istifadə edilən test tətbiq edilib. Pişiklərə "keraru" və "parumo" kimi iki mənasız sözlə əlaqəli qısa animasiyalar göstərilib. Daha sonra onlar sözlərə uyğun animasiyaları seçiblər.

Tədqiqatçıların fikrincə, pişiklərin bu davranışları mükafatlar və hər hansı öyrədilmə olmadan sözlərlə eşitdikləri görüntülər arasında mövcud olmadan əlaqə qurduqlarını göstərib. Üstəlik, bu əlaqənin körpələrə nisbətən daha tez qurulduğu məlum olub.

Tədqiqatçılar qeyd ediblər ki, pişiklərin qısa müddət ərzində şəkil-söz uyğunlaşmasına nail ola bilməsi diqqətəlayiqdir. Ancaq bu pişiklərin əşyaların adlarını bildiklərini ifadə etsə də, bu əlaqələrin uzunmüddətli olub-olmaması və ya daha çox sözlə təqdim olunduqda necə reaksiya verəcəkləri hələ də bəlli deyil.