AQTA-nın Bərdədəki işçiləri NƏ İŞ GÖRÜR? - İTTİHAM VAR...
Kanal14.az: - Azərbaycan Qida Təhlükəsizliyi Agentliyi (AQTA) yaradılanda biz çox sevinmişdik.
Fikirləşdik ki, alıcının,istehlakçının tərəfində olan bir dövlət təşkilatımız var.
Amma çox əfsus. 2017-ci ildən fəaliyyət göstərən AQTA-nın nəsə bir dəyişiklik etdiyini görmədik.
Çünki başları başqa məsələlərə qarışıb.
Məsələn,deyirlər,Qida Təhlükəsizliyi Agentliyi Qarabağ bölməsinin Bərdə idarəsinin nümayənləri obyektlərə girib öz bildikləri kimi cərimələr yazırlar.
Səbəbli-səbəbsiz. Dedik bunlar məhsulun keyfiyyətinə nəzarət edərlər.
Amma reallıqda başqa şeylər görürük.Əgər cərimələrdən sonra heç nə dəyişmirsə,deməli bu kimlərinsə cibini doldurmaq üçün bir oyundur.
Elə bu oyunların nəticəsidir ki, 2021-ci ildə Bərdədə AQTA-nın yerli bölməsinin rəisi Rauf Həsənov həbs edilib,cəzasını çəkir.
Yəqin onun yerini tutanlar ibrət almayıblar,əməllərini davam etdirirlər.Ətin kilosu 15-17 manatdır,ancaq kolbasalar var 5 manata satılır.
Məlumdur tərkibi necə ola bilər.Vaxtaşırı bu kolbasaların hazırlandığı sexləri cərimələyirlər.
Düz edirlər.Amma bir müddət sonra bazar-dükanda həmin məhsulları görəndə,yoldan keçəndə həmin sexləri elə o cür görəndə cərimələrin mahiyyəti məlum olur.
Azərbaycan Qida Təhlükəsizliyi Agentliyinin hörmətli sədri cənab Qoşqar Təhməzli,əməkdaşlarınızın bu hərəkətləri birbaşa əhalidə dövlətə inamı sarsıdır.
Çünki AQTA bir dövlət təşkilatıdır.Sizin bəzi işçiləriniz necə deyərlər,qaş düzəltmək əvəzinə vurub gözü də çıxardırlar.
Elə olmasaydı,AQTA-nın yaradıldığı 7 il ərzində çox şey dəyişərdi.
Amma demək olar ki heç nə dəyişməyib.Dəyişən yalnız bahalaşmaya verdiyiniz töhfədir.
Az idi iş adamının başının üstünü kəsdirən biri də şərik oldu.
Yəni bəzi işçiləriniz.İş adamı kimlərinsə cibini doldurmağa məcbur olursa,təbii ki bunun yerini alıcının cibindən götürür.
Malının qiymətini artırmağa məcbur olur.Heç Bərdəyə və ya başqa rayona gedib baxmağa ehtiyac yoxdur.
Hərdən elə paytaxt Bakının küçə ticarətinə,qanunsuz işləyən,qanunu pozmaqla işləyən müəssisələrinə baxın.Yuxarıda kolbasa sexlərindən danışmışam.
5-6 manata satılan kolbasanın maya dəyəri daha ucuz olur.İndi təsəvvür edin onun içində ətdən başqa nələr ola bilər.
Sizin əməkdaşlarınızın məsuliyyətsizliyinə,rüşvətxorluğuna görə belə yerlər hələ də işləyir.Biz isə sağlamlığızı təhlükəyə qoyuruq.
Dövlət sizə kifayət qədər geniş səlahiyyət verib. Amma görünən odur ki işçiləriniz qayda-qanunu özləri pozur.
Axı cənab Prezident dəfələrlə deyib ki sahibkarlara maneələr yaradılmasın,dövlət təşkilatları səbəbsiz yoxlamalarla iş adamlarını bezdirməsinlər.//siam.az