"Bu layihə region ölkələrini birləşdirə bilər" - Paşinyan
"Sülh yollarının kəsişməsi" layihəsi region ölkələrini avtomobil yolları, dəmir yolları, qaz kəmərləri və elektrik xətləri ilə birləşdirə bilər.
"Kanal14.az" xəbər verir ki, bu barədə Ermənistanın baş naziri Nikol Paşinyan Aİİ üzvü olan ölkələrin liderlərinə mesajında deyib.
O vurğulayıb ki, Aİİ-nin coğrafi mövqeyinin xarici bazarlara çıxmaq üçün tranzit potensialından və imkanlarından maksimum istifadə etmək lazımdır: "Ermənistan Respublikası tərəfindən təklif olunan perspektivli "Sülhün kəsişməsi" layihəsinin uğurla həyata keçirilməsi Avrasiya beynəlxalq nəqliyyat marşrutları üzrə tranzit daşımaların təmin edilməsi ilə bağlı bəyan edilmiş məqsədlərə nail olunmasında mühüm rol oynayacaq".
Qeyd edək ki, 2024-cü il yanvarın 1-dən Ermənistan Respublikası Aİİ orqanlarına sədrlik etməyə başlayıb.
