Gəncə sakinləri su, qaz və binanın yararsız vəziyyətdə olmasından şikayətçidirlər VİDEO
Gəncə şəhəri Aida İmanquliyeva küçəsi 3a ünvanında yerləşən bina sakinləri su, qaz və binanın yararsız vəziyyətdə olmasından şikayətçidirlər. Sakinlərin sözlərinə görə, bu bina Gəncə Xalça Kombinatının işçiləri üçün inşa edilib.
Yataqxana sakinləri dəfələrlə dövlət qurumlarına müraciətlər etsələr də, heç bir tədbir görülməyib. Sakinlər verilən vədlərin yerinə yetirilmədiyini bildirirlər. Ümidlə şəraitlərinin yaxşılaşdırılacağını gözləyirlər.
Gəncə Şəhər İcra Hakimiyyəti sorğumuza cavab olaraq bildirdi ki, Mənzil Kommunal Təsərrüfatı İstehsalat Birliyinin balansında hazırda 18 yataqxana var. Bu yataqxanaların bir çox qəzalı vəziyyətdə olduğundan, həmin binalarda, o cümlədən Aida İmanquliyeva, 3A ünvanında yerləşən yataqxana binasında yaşayan sakinlərin köçürülməsi istiqamətində işlər aparılır, sakinlərin siyahıya alınması həyata keçirilir.
"Sözügedən ərazidə su xətləri köhnə olduğundan, müəyyən vaxtlarda qəzalar baş verir ki, onlar da qısa müddətdə aradan qaldırılır”,- deyə qurumdan bildiriblər.
