"Azərbaycanla demarkasiya prosesi illər çəkə bilər" - Qriqoryan
İş qrafiki ölkə komissiyalarının iş sessiyalarını və görüşlərini necə təşkil edəcəyini təsvir edir.
"Kanal14.az" xəbər verir ki, bunu Ermənistan-Rusiya Hökumətlərarası Komissiyasının iclasında jurnalistlərlə söhbətində Ermənistan baş nazirinin müavini Mher Qriqoryan dünən təsdiq edilmiş demarkasiya komissiyalarının iş qrafiki barədə danışarkən deyib.
"Bilirsiniz ki, bizim demarkasiya komissiyamız var, Azərbaycan tərəfinin də analoji komissiyası var. Bizim işimizin məntiqi komissiya nümayəndələrinin iclaslarını keçirməkdir. Biz bu işin gedişatını tənzimləməyi düzgün hesab etdik, xüsusən də nə vaxt görüşürük, harada görüşürük, protokolu necə tərtib edirik, hansı dildə danışırıq və s. Biz ingilis və ya rus dilində danışacağıq, hər iki variant mümkündür”, - Qriqoryan bildirib.
Cədvəldə görüşlərin üçüncü ölkədə keçirilə biləcəyinin göstərilməsinə cavab olaraq, baş nazirin müavini xatırladıb ki, "Bizim Brüsseldə görüşümüz oldu, bir dəfə də Moskvada görüşdük", - deyib.
Onun sözlərinə görə, demarkasiya və delimitasiya mürəkkəb proses olduğundan uzun vaxt aparacaq. "İstisna edə bilmərəm ki, bu, illərdir işdir. Biz işi belə təsəvvür edirik: görüşlər zamanı hər bir tərəf xəritə və ya xəritənin bir hissəsini, sərhədin təsviri və ya hansısa bir növ tənzimlənməsi olan hüquqi sənədləri təqdim edir və müzakirə başlayır, bu sənəd ətrafında fikir mübadiləsi aparılır”, - deyə Qriqoryan yekunlaşdırıb.
