Oktyabrın 23-də Qarabağda qətllər törədən, separatçı rejimin "Təhlükəsizlik Şurası"nın keçmiş katibi Vitali Balasanyan Ermənistan Daxili İşlər Nazirliyinin mərkəzi polis idarəsinə təslim olub.

"Kanal14.az" xəbər verir ki, bu barədə erməni KİV məlumat yayıb.

Balasanyan polisə 16 ədəd 9 mm çaplı güllə ilə dolu 2 patronu olan "Makarov" tipli odlu silah təqdim edib.

Hadisə ilə bağlı polisin mərkəzi şöbəsində sənədlər tərtib edilib, Ermənistan İstintaq Komitəsinin İrəvan şəhəri üzrə istintaq idarəsinin Kentron və Nork-Maraş inzibati ərazi dairələri üzrə istintaq şöbəsinə təhvil verilib.