"Kanal14.az" ARY News-a istinadən bildirir ki, Pakistan BVF-dən yardım paketi almasını gözləmədən Səudiyyə Ərəbistanından 2 milyard dollar kredit üçün razılıq alıb.

Pakistan hökuməti Səudiyyə Ərəbistanı və Birləşmiş Ərəb Əmirliklərindən (BƏƏ) Beynəlxalq Valyuta Fondunun (BVF) şərtlərinə əməl etməyi və kreditlərin ayrılması üçün yazılı zəmanət verməyi xahiş edib.

Bundan əvvəl bir çox potensial kreditorlar BVF ilə uğurlu razılaşmanı Pakistana vəsait ayırmaq üçün ilkin şərt etmişdilər.

Xatırladaq ki, Pakistan hökuməti defolta yol verməyəcəyinə söz vermişdi. Eyni zamanda ölkədə çətin iqtisadi vəziyyət yaranıb. Mərkəzi Bankın valyuta ehtiyatları, o cümlədən ticarət əməliyyatlarını dəstəkləmək üçün kəskin çatışmazlığı var.

Kanal14.az
Aytəkin Talıbqızı