"Kanal14.az" xəbər verir ki, mülki iddianı ştatın baş prokuroru Letitia James qaldırıb.

"Tramp və Trump Organisation bankları ən sərfəli şərtlərlə kredit verməyə sövq etmək üçün dəfələrlə bu yalan və çaşdırıcı məlumatlardan istifadə ediblər”, - iddiada deyilir.

The Wall Street Journal vurğulayır ki, iddianın mülki xarakter daşımasına baxmayaraq, müttəhimlər cinayət qanununun bir sıra bəndlərini pozmaqda ittiham olunurlar. Bundan əlavə, iddiada onların ABŞ federal qanunlarını pozmuş ola biləcəyi iddia edilir. Prokurorluq məhkəmədən müttəhimlərə 250 milyon dollar cərimə ödəməyə, Tramp və onun uşaqlarının Nyu-York əyalətində qeydiyyatdan keçmiş biznes fəaliyyətlərinə qadağa qoymağa məhkum edilməsini istəyir.

Tramp iddianı "cadugər ovu”nun başqa bir nümunəsi adlandırıb. "Truth Social” sosial şəbəkəsində o, əvvəllər qubernator postuna iddialı olan ştatın baş prokurorunu Respublikaçılara qarşı çıxmaq üçün "kampaniyasını quran fırıldaqçı” adlandırıb.

Aprelin əvvəlində Ceyms öz şirkətində iddia edilən maliyyə fırıldaqlarına görə Trampı məsuliyyətə cəlb etmək niyyətini açıqlayıb. Baş prokurorun sözlərinə görə, Tramp prokurorluğun tələbinə və məhkəmənin göstərişinə baxmayaraq, lazımi sənədləri təqdim etməkdən imtina edib. Məhkəmə siyasətçini məhkəməyə hörmətsizlik etdiyinə görə gündəlik 10 min dollar ödəməyə məcbur edib. Daha sonra Nyu York məhkəməsi Trampı ittihamdan azad edib.

2021-ci ilin iyul ayında Trump Organization və onun baş maliyyə direktoru Allen Veisselberg vergidən yayınma, fırıldaqçılıq, mənimsəmə və saxtakarlıqda ittiham edilib. Xüsusən də şirkət kreditlər əldə etmək üçün aktivlərinin dəyərini süni şəkildə şişirtməkdə şübhəli bilinir. Respublikaçı Tramp ittihamları rədd edir və Nyu York hakimiyyətinin araşdırmalarını Demokratların təşəbbüsü ilə həyata keçirilən "cadugər ovu" adlandırır.