Kanal14.az:-  Siyəzəndə baş vermiş məlum olay barədə iki gün əvvəl məlumat vermişdik. Baş verən hadisə barəsində rayon sakini Ruslan Quliyev məlumat vermişdi.
Qeyd olunan hadisə barəsində həm Ruslan Quliyev, həm də mərhum Tural İsmayılovun atası Ənvər İsmayılov video müraciət edərək dövlət başçısından və bütün KİV- lərdən kömək istəyir.

Ruslan Quliyev iddia edir ki, Siyəzən rayonunda narkotik vasitələrin dövriyyəsi işinə birbaşa rayon polis şöbəsi nəzarət edir. Yəni narkotik vasitələrin satışı, onun rayona hansı yollarla gətirilməsi yerli polisin əli və xeyir-duası ilə həyata keçirilir.
Mərhum Tural İsmayılovun atası Ənvər İsmayılov iddia edir ki, oğlunu CAB-ın rəisi Fikrət adlı şəxs, narkotiklərə qarşı mübarizə üzrə əməliyyatçı Xəyyam Əzizov və sair polis əməkdaşları qətlə yetiriblər. Onlar əvvəlcə evimə soxuldular, axtarış apardılar, cəmisi iki büküm şəxsi istifadə üçün narkotik tapdılar. Polis əməkdaşları oğlumun telefonunda olan adamların kimliyini deməyi oğlumdan tələb edirdilər. Daha sonra oğlumu polis idarəsinə apardılar və öldürüb üstümə atdılar. Fikrət mənə dedi ki, əşşi narkaman idi də öldü, sənin canın da, Siyəzənin canı da qurtardı. Mənim oğlum heç vaxt, kiməsə narkotik satmayıb. Siyəzəndə narkotiki əkənlər də, satanlar da Fikrət başda olmaqla rayon polisidir. Mən prezident İlham Əliyev cənablarına, baş prokurora müraciət edərək oğlumun qatillərinin təcili həbs olunmasını tələb edirəm. Mənim oğluma polisdə olmazın işgəncələr veriblər və sonda ölüb. Oğlumun bədənində salamat yer yox idi.



Ruslan Quliyev-Ənvər İsmayılov.
Siyəzən rayonu.
Redaksiyadan: Yazıda adları çəkilən şəxslərin də mövqeyini dərc etməyə hazırıq. Sonda video müraciət ləri izləyin.