BMT Baş Assambleyasının Prezidenti bu gün Azərbaycana gəlir
BMT Baş Assambleyasının Prezidenti, 75-ci Sessiyanın Sədri Volkan Bozkır bu gün Azərbaycana gəlir.
Bu barədə APA-ya BMT Baş Assambleyasının Prezidentinin mətbuat katibi Brenden Varma deyib.
Onun sözlərinə görə, Volkan Bozkır bu gecə Bakıya gələcək.
O, Bakıda bir sıra yüksək səviyyəli görüşlər keçirəcək.
Səfər aprelin 9-da başa çatacaq.
Qeyd edək ki, BMT Baş Assambleyasının Prezidenti daha öncə Türkiyə və Qətərə səfər edib.