kanal14.az
kanal14.az

"Fitch" neftin qiyməti üzrə proqnozunu yaxşılaşdırıb

8-09-2020, 15:43 91 dəfə baxılıb

"Fitch” beynəlxalq reytinq agentliyi 2020-ci il üzrə "Brent” markalı neftin bir barel üçün qiymətini 35 dollardan 41 dollara, WTI markalı neft üçün isə 32 dollardan 38 dollara yüksələcəyini proqnozlaşdırıb.

Kanal14.az "APA-Economics”ə istinadən xəbər verir ki, bu barədə agentliyin yenilənmiş proqnozunda deyilir.

Eyni zamanda, "Fitch”in ekspertlərinin uzunmüddətli proqnozlarına uyğun olaraq, "Brent”in bir barelinin qiyməti 55 dollardan 53 dollara, WTI-ın qiyməti isə 52 dollardan 50 dollara enəcək.

2020-ci il üçün qiymətləndirilmənin yaxşılaşdırılması "OPEC+” sazişi çərçivəsində neft hasilatını azaltmaqla və ölkə iqtisadiyyatlarının bərpası ilə əlaqələndirilir.

Bununla yanaşı, pandemiyanın yaratdığı böyük neft ehtiyatları nəzərə alınaraq, uzunmüddətli proqnoz aşağı salınıb.

"Bəzi ölkələrdə xəstələrin sayının artmasına baxmayaraq, bir çox ölkə təcrid tədbirlərini yumşaldıb. İkinci dəfə qlobal səviyyədə sərt məhdudiyyətlərin olacağını gözləmirik və hesab edirik ki, neftə olan tələbatın bərpası 2021-ci ildə də davam edəcək”, - məlumatda deyilir.

Agentlik 2021-ci il üçün proqnozunu "Brent” üzrə 45 dollar, WTI üzrə isə 42 dollar səviyyəsində saxlayıb.

Qeyd edək ki, hazırda dünya bazarlarında "Brent” neftinin qiyməti 42 dollar, WTI neftinin qiyməti isə 39 dollar təşkil edir.







Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
SƏHİYYƏ
İDMAN
ŞOU-BİZNES
DÜNYA