Səudiyyə Ərəbistanın "Saudi Aramco" milli neft şirkətinə məxsus iki böyük zavoda pilotsuz uçan aparatlarla (PUA) hücum edilib, nəticədə yanğın baş verib.

Kanall14.az-ın məlumatına görə, bu barədə Səudiyyə Ərəbistanının Daxili İşlər Nazirliyindəki mənbə məlumat verib:

"Yerli vaxtla saat 04:00-da "Saudi Aramco"nun təhlükəsizlik xidməti PUA hücumu nəticəsində iki obyektdə baş verən yanğını söndürüb".

Hadisə nəticəsində ölən və xəsarət alanların olmadığı bildirilir.

Hücumun təşkilatçıları hələ məlum deyil. Qeyd edək ki, Yəməndə fəaliyyət göstərən Husi qruplaşmaları mütəmadi olaraq bölgəyə dronlarla hücum edirlər.