"Məktəblilər arasında skolioz və kifoz xəstəlikləri artmağa başlayıb. Problem artıq SOS siqnalı çalınacaq qədər təhlükəyə çevrilib”.

"Kanal14.az” xəbər verir ki, bunu Milli Məclisin deputatı Qənirə Paşayeva Səhiyyə Komitəsinin iclasında deyib. 

Onun sözlərinə görə, bu xəstəliklərin gələcək üçün acı nəticələrini tibb mütəxəssisləri də yaxşı bilir: "Bununla bağlı, Təhsil Nazirliyi, Səhiyyə Nazirliyi ilə müəyyən dinləmələr keçirilməlidir. Çünki məsələnin təkcə səhiyyə tərəfi yoxdur. 

Bu il 25-ə yaxın məktəblini mən müəyyən xəstəxanalara yerləşdirmişəm. İki nəfər şagirdə əməliyyat lazım idi. Bu əməliyyatlar da həddindən artıq bahalıdır”./Qafqazinfo