Mayın 12-də saat 23 radələrində 22 yaşlı Ağstafa rayonu, Dağkəsəmən kənd sakini Adil Allahverdiyev Ağstafa çayının Qazax rayonu ərazisindən keçən hissəsinin üzərində olan körpüdən özünü ataraq intihar etmək istəyib.

Kanal14.az bildirir ki, Daxili İşlər Nazirliyi mətbuat xidmətinin Gəncə regional qrupundan Lent.az -a verilən məlumata görə, hadisə yerinə gələn Qazax rayon Polis Şöbəsinin əməkdaşları onunla profilaktiki söhbətlər aparıb. Buna baxmayaraq, A. Allahverdiyev özünü atmaq istəsə də, gəncin həyatını xilas etmək mümkün olub.