Afrika və Cənub-Şərqi Asiyanın bəzi ölkələrində 2024-cü ildə dövlət çevrilişləri baş verə bilər.

"Kanal14.az" xarici KİV-ə istinadən xəbər verir ki, bu fikri Avropa İnformasiya Mərkəzinin direktoru Nikolay Topornin deyib.

O, hakimiyyət dəyişikliyinin güclü ssenarisinə meyilli olan dövlətlərin adını çəkib.

"Qaynar nöqtələr Afrika və Cənub-Şərqi Asiyanın bir neçə bölgəsidir. Söhbət sabit dövlət hakimiyyətinin olmadığı, siyasi institutların işləmədiyi, hər şeyin gücdən asılı olduğu ən kasıb dövlətlərdən gedir – kimin gücü daha çoxdursa proseslərə rəhbərlik edir. Bunlar Niger , Mali , Burkina-Faso, Eritreya, Sudan, Somalidir. Asiyada Banqladeş rejimi çox sərtdir, orada nəsə ola bilər, Myanma yaxınlıqdadır. Bu cür vəziyyətlərdən danışarkən biz ən yoxsul ölkələrə diqqət yetiririk, burada yalnız hərbi gücə arxalanan rejimlər var”, o etiraf edib.

Politoloqun fikrincə, dünyanın qlobal mənzərəsi 2024-cü ildə olduğu kimi qalacaq. Avropa və ya Latın Amerikası kimi regionlarda hakimiyyətin zorakılıqla dəyişməsi mümkün deyil. Nikolay Topornin hesab edir ki, hərbi diktaturaya malik olan dövlətlərdə bu ssenari mümkündür.