Güclü stress insanı əlil edə bilər
Stress insan üçün normaldır, ona görə də onunla mübarizə aparmağın mənası yoxdur.
"Kanal14.az" xəbər verir ki, bunu Rusiyanın əməkdar həkimi Aleksandr Myasnikov deyib.
Onun sözlərinə görə, güclü stress sağlamlığı məhv edir, ona görə də ona düzgün reaksiya vermək və "ağıllı eqoist” olmaq vacibdir.
"Stress psixi və fiziki sağlamlıq ilə birbaşa əlaqəlidir. Güclü stress insanı əlil edə bilər. Stresə yalnız adekvat münasibət onun öhdəsindən gəlməyə kömək edəcək", - həkim qeyd edib.
O, vurğulayıb ki, xəbərləri oxuyarkən müharibələr gedən ölkələrin sakinlərinə rəğbət bəsləmək, narahat olmaq normaldır, lakin bu, şəxsi həyatınıza keçməməlidir.
"Nəyi dəyişə biləcəyinizi və nəyi edə bilməyəcəyinizi, bizim dövrümüzdə necə layiqli qalmağı, başqalarına zərər verməməyi, öz yerini tapmağı başa düşməlisiniz", - həkim yekunlaşdırıb.
