Rəqəmsal inkişaf və nəqliyyat naziri Rəşad Nəbiyev 74-cü Beynəlxalq Astronavtika Konqresində iştirak məqsədilə ölkəmizdə səfərdə olan İslam Dünyası Təhsil, Elm və Mədəniyyət Təşkilatının (İSESKO) baş direktoru Salim Almaliklə ikitərəfli görüş keçirib.

"Kanal14.az" xəbər verir ki, görüş zamanı Azərbaycanda qabaqcıl texnologiyaların tətbiqi ilə dayanıqlı inkişafa nail olmaq məqsədilə həyata keçirilən təşəbbüslərdə, o cümlədən süni intellekt (AI) sahəsində İSESKO ilə əməkdaşlığın inkişafı məsələləri müzakirə edilib.