Tarixi Brandenburq darvazasının qarşısında azərbaycanlılar alman mətbuatının qərəzli xəbərlər yaymasına etiraz ediblər.

"Kanal14.az" xəbər verir ki, Almaniyanın paytaxtı Berlində azərbaycanlılar küçələrə axışıb. Təxminən 300-ə yaxın azərbaycanlı tarixi Brandenburq darvazasının qarşısına toplaşaraq, Azərbaycan əleyhinə qərəzli xəbərlər yazan alman mətbuatına etiraz ediblər. Türklərin dəstəklədiyi etiraz aksiyasında Azərbaycan himni səsləndirildikdən sonra şəhidlər bir dəqiqəlik sükutla yad edilib.

Azərbaycan bayrağının dalğalandığı aksiyada Almaniya mediası və vətəndaş cəmiyyəti dairələri Azərbaycana qarşı dezinformasiya və təhriflərlə dolu sistemli informasiya hücumuna son qoymağa çağırıblar.

Nümayişçilər bildiriblər ki, sentyabrın 19-dan, xüsusən də Qarabağda keçirilən antiterror əməliyyatlarından sonra Almaniya mətbuatında və qurumlarında Azərbaycana qarşı birtərəfli, yalan, natamam və manipulyasiya xarakterli məlumatlar dərc olunub.

Etirazın təşkilatçılarından biri, Almaniya Azərbaycanlılarının Koordinasiya Şurasının sədri Dr. Yaşar Musayev açıqlamasında bu etirazla Azərbaycanın haqq səsini dünyaya ucaltdıqlarını və Azərbaycanın suverenliyinin və ərazi bütövlüyünün tanınmasını istədiklərini vurğulayıb.

"Biz qardaş Türkiyəyə və Türkiyənin prezidenti cənab Ərdoğana da təşəkkürümüzü bildiririk”.

Musayev deyib: "Avropada, Almaniyada və Fransada dövlət idarələrində qəsdən antiazərbaycançılığa etirazımızı bildirmək istəyirik. Qarabağ Azərbaycandır. Qarabağ bizim canımızdır, Qarabağ torpağımızdır, torpaq bizim vətənimizdir. Sentyabrın 19-da başlayan antiterror əməliyyatları nəticəsində Azərbaycanın ərazi bütövlüyünü keçmiş Sovet İttifaqından tam şəkildə geri aldıq. Qardaş Türkiyəyə və Türkiyənin prezidenti cənab Ərdoğana da təşəkkürümüzü bildiririk. O, Azərbaycanın haqq səsini, qardaşının haqq səsini Birləşmiş Millətlər Təşkilatında dünyaya tanıtdırdı. "Biz Azəri türkləri və biz Oğuz türkləri hər zaman sizinləyik.

Almaniya mətbuatında və dövlətin müxtəlif qurumlarında Azərbaycanla bağlı bilərəkdən dezinformasiyaların verildiyini deyən Musayev "Biz buradan bütün dünyaya səslənirik, Almaniya və Fransa mətbuatında Azərbaycana qarşı məqsədyönlü şəkildə yayılan bu xəbərlərdən çəkinsinlər. Azərbaycanın ərazi bütövlüyünü tanıdıqları kimi, demokratiyanın tərəfində dursunlar və Azərbaycanın haqq səsinə qulaq assınlar.

Aksiya zamanı Azərbaycan bayraqları ilə yanaşı Türkiyə bayrağı da dalğalanıb. Nümayişçilər tez-tez "Biz sülh istəyirik, müharibəyə yer yoxdur”, "Qarabağ Azərbaycandır” kimi şüarlar səsləndiriblər.

https://haberglobal.com.tr/dunya/azerbaycanlilar-berlinde-tarihi-brandenburg-kapisi-onunde-alman-medyasini-protesto-etti-285002