Alimlər üçün ekzoplanetlərin və potensial olaraq yaşamaq mümkün olan digər dünyaların axtarışı adi hala çevrilib. Ancaq, biz öz şərtlərimizlə yadplanetli həyatı axtarmağa davam edirik - burada suyun maye formada ola biləcəyi. Bunun üçün ekzoplanetlər öz ulduzunun qondarma "yaşayış zonası"nda olmaları nəzərə alınmaqla çeşidlənir. Bu ümumiyyətlə, indiyə qədər nadir haldır və bəzi ekspertlərin fikrincə mayenin mövcudluğuna üstünlük vermək düzgün deyil. Tamamilə fərqli bir şey axtarmaq lazımdır .

Ümumiyyətlə, həyatı təbiətdə təbii seçmə şəklində əks əlaqəni nəzərə alan davamlı hesablamalar və ya məlumatlarla işləmə prosesi kimi təsvir etmək olar.

"Kanal14.az" "3dnews.ru"a istinadən bildirir ki, Yerdəki bioloji orqanizmlər haqqında məlumat DNT-də saxlanılır və müəyyən zülallar və digər birləşmələr bu məlumatları emal edir. Əslində həyatın potensialı hesablamanın potensialıdır. Bu prosesdə su həm həlledici rol oynaya bilər. Əgər yer biologiyasını nəzərə alsaq, həm də onunla heç bir əlaqəsi olmaya bilər. Bəs başqa həlledicilər varmı?

Məqalə müəlliflərinin fikrincə, yaşayış zonalarının axtarışı hesablamaların aparıla biləcəyi zonaların axtarışına qədər genişləndirilməlidir. Hesablama zonalarında həyatın yaranması üçün üç əsas şərt lazımdır:
Birincisi, kimyəvi elementlərin zəngin tərkibi olmalıdır;
İkincisi, kimyəvi reaksiyaların həyata keçirilməsi üçün hər hansı bir enerji mənbəyi olmalıdır və mütləq günəş deyil;
Üçüncüsü, reaksiyaların aparılması və saxlanılması üçün substrat olmalıdır (Yerdə bu, litosferin və okeanların yuxarı təbəqəsidir).

Yeni yanaşma əsasında həyat daha geniş çərçivədə və müəyyən edilmiş maye su yaşayış zonalarından kənarda axtarıla bilər. Təklif olunan düzəlişlər Kainatda həyatın yaranması və yayılması probleminə daha geniş nəzər salmağa imkan verəcək.

Kanal14.az
Asiman Əsədsoy