"Kanal14.az" "Reuters"ə istinadən xəbər verirki, Yaponiyanın ən böyük avtomobil istehsalçısı Toyota fevral ayında rekord sayda avtomobil satıb. Şirkət pandemiyanın yaratdığı komponent çatışmazlığı ilə uğurlu mübarizə sayəsində satışlarını artıra bilib.

Ümumilikdə, fevralda dünyada 773,3 min Toyota avtomobili alınıb ki, bu da bir il əvvəllə müqayisədə 10,3 faiz çoxdur. Göstəricinin artımına əsas töhfə Yaponiyanın daxili bazarında bir yarım dəfə (53,2 faiz) artmış satışlar olub.

Avtomobil istehsalçısı həmçinin dünya istehsalının iki faiz artaraq 755,8 min avtomobilə çatdığını bildirib. Şirkət 750,000 ədəd hədəfini aşmağı bacardı, lakin yanvar ayında 8,8 faiz artdıqdan sonra artım bir qədər yavaşladı. Fevral ayında yerli istehsal bütövlükdə dünya ilə müqayisədə daha sürətli bərpa olunub, yanvarda 30,1 faiz artdıqdan sonra fevralda 11,2 faiz artıb.

Bununla belə, Toyota ehtiyat hissələri çatışmazlığının qaldığını bildirir. Pandemiya zamanı şirkət əksər rəqiblərinə nisbətən təchizat zəncirlərini daha yaxşı idarə etdi, lakin yenə də aylıq istehsal planlarını dəfələrlə azaltmalı oldu.

Kanal14.az
Jalə Əsədova