"Kanal14.az" "hurriyet.com.tr"a istinadən xarici görünüşünə görə illərdir özünü ailəsindən fərqli hiss edən amerikalı kişinin 73 yaşında əsl ailəsinə qovuşduğu barəsində hekayəni təqdim edir.

ABŞ qəzetlərinin manşetlərinə çıxan Endi Perkinsin qeyri-adi hekayəsi.

Buffalo, Nyu-Yorkun kəndlərində kiçik bir şəhərdə böyüyən Endi Perkins illərdir ailəsindən fərqli hiss edirdi.

"İllər boyu mənim ailəmin qalan üzvlərindən fərqli göründüyümlə bağlı suallarım olub", deyən və sarı saçlı, mavi gözlü, daha tünd dərili, uzun boylu valideynləri və bacıları arasında başqa bir yerdən gəldiyini hiss edən Perkins, The Post-a qəzetinə müsahibə verib.

"Yeniyetməlik dövründə hər kəs özünü başqa yerə aid hiss edə bilər”, deyən bu adamın ümumiyyətlə xoşbəxt uşaqlığı olub. Anası Şirli və atası Cim onu ​​həmişə dəstəkləyiblər. Lakin, onun yeniyetməlik illərində diqqət pozğunluğu və hiperaktivlik problemləri yaranmağa başlayıb. Fərqli görünüşünə görə ailəsinin onu övladlığa götürdüyünü düşünməyə başlayıb. Bununla belə, onun başındakı sual işarələri ailəsi tərəfindən "yeniyetmə üsyanı” olaraq rədd edilib.

İndi 73 yaşlı kişi illər sonra öyrənəcək ki, bu düşüncələr təkcə "gənclik narahatlığı” deyil...


Endi Perkinsin 47 yaşlı qızı Candi Perkins Sammers 2015-ci ildə atasının ailə keçmişini araşdırmağa başlayıb və şok mənzərə ilə üzləşib. Atasının DNT nəticələri Perkins ailəsindən heç kimlə uyğun gəlməyib.

Daha doğrusu, Andy Robinson soyadlı bir qrup insanla əlaqəli görünürdü.

Summers "The Post"ya açıqlamasında, "Atamın DNT uyğunluqlarına baxanda bircə dənə də tanış soyad görə bilmədim. Qəribə idi. Vəziyyəti atama izah etmək üçün təxminən üç həftə vaxtımı aldı" - deyib.

Atasının ailəsi olduğunu düşündüyü insanlarla heç bir əlaqəsi olmadığını anlayan Sammers bunun səbəbini anlaya bilməyib. Həm o, həm də atası ailənin onu övladlığa götürmədiyinə əmin idi, çünki dindar valideynlər övladlığa götürməyə həvəsli deyildilər.

2020-ci ildə bir qəzet kəsimi, Summers və atası Endinin illərdir düşündükləri sirri həll edir.


Xəstəxanada Endi ilə səhv salınan körpə Filipin 6 aylıq olarkən öldüyü öyrənilib.

Körpələr doğulanda dəyişdirilib.

Qəzet elanında atasının doğulduğu xəstəxanada eyni gündə doğulan və Harold S. və Pauline McElwain Robinsona aid olan Filip adlı oğlandan bəhs edilirdi.

Andy-nin DNT uyğunluqlarında 'Robinson' soyadı ilə əlaqəsi ata və qızı eyni düşündürdü: Körpələr doğuş zamanı dəyişdirilmişdi.


Tutduqları yolu izləyən ata və qız haqlı idilər və Andy illər sonra onun əsl ailəsinin kim olduğunu öyrəndi.

73 yaşlı kişi bioloji anası Pauline McElwain Robinson-un 2015-ci ildə, atası Harold S. Robinson-un isə 2016-cı ildə vəfat etdiyini öyrənib.

Heç tanımadığı ana və atasının məzarına getdiyini izah edən Endi, "Gözlənilməz və çətin bir şey oldu. Onların məzarlarına gedib ölümlərinə yas tutdum" - deyib.

Valideynlərini görə bilməməsinə baxmayaraq, kişi qardaşları Brian (68), Sally (69) və Lisa (58) ilə görüşdüyünü, onlarla vaxt keçirdiyini və indi soyad olaraq, "Robinson-Perkins" istifadə etdiyini deyib.

Nəhayət, əsl ailəsinin kim olduğunu öyrəndiyi üçün rahatladığını izah edən Endi, "The Post"a verdiyi açıqlamada, içində olduğu vəziyyətdən məmnun olduğunu və "Bir çox insanın ailəsi olmadığı halda mənim iki sevgi dolu ailəm var" deyə qeyd edib.

Kanal14.az
Jalə Asiman