Yaponiyanın Macəra Dünyası Zooparkında iki aslan koronavirusa yoluxub və ölüb.

"Kanal14.az" bildirir ki, bu barədə "japannews" məlumat yayıb.

Macəra Dünyası Zooparkı Yaponiyanın qərbindəki Vakayama prefekturasında yerləşir. Heyvanların qoca olduğu və COVID-ə yoluxduqdan sonra pnevmoniyaya yoluxduğu bildirilir.

"Sizə bildirmək istərdik ki, Macəra Dünyasında yaşayan iki aslan 2023-cü ilin yanvar ayının əvvəlində koronavirusa yoluxdu və təəssüf ki, öldü. Birinci (erkək-19 yaş) 9 yanvar 2023-cü ildə, ikinci (dişi- 21 yaş) yanvarın 12-də tələf oldu " - deyə, zooparkdan bildirilib.

Onlar aslanların heyətdən yoluxduğunu deyib.

Heyvanlara qulluq edən şəxsdə koronavirus aşkarlanıb.

Yerli mətbuatın məlumatına görə, Yaponiyada ilk dəfədir ki, zooparkda bir heyvan koronavirusdan ölür.

Kanal14.az
Fatimə Kamalqızı