"Kanal14.az” CNN -ə istinadən xəbər verir ki, Prezident Vladimir Putin Rusiyaya nüvə üçlüyünü - üç növ nüvə silahını işə salmağa qadir olan hərbi güc strukturunu gücləndirməyi öhdəsinə götürüb.

"Bu il yeni ağır raketlə birlikdə ilk "Sarmat” raket sistemi buraxılış qurğuları döyüş növbəsinə gətiriləcək. Biz "Kinjhal” havadan buraxılan hipersəs sistemlərinin tam istehsalını davam etdirəcəyik və "Tsirkon” dənizdən buraxılan hipersəs raketlərinin kütləvi şəkildə yerləşdirilməsinə başlayacağıq”, – deyə, Putin ötən gün "Vətən Günü" qeyd etmələri ilə bağlı açıqlamasında bildirib.

"Borei-A nüvə enerjili sualtı "İmperator III Aleksandr”ın Hərbi Dəniz Qüvvələrində fəaliyyətə başlaması ilə dəniz strateji nüvə güclərində müasir silah və texnikanın payı 100 faizə çatacaq. Yaxın illərdə bu layihədən daha üç kreyser Hərbi Dəniz Qüvvələrinə təhvil veriləcək”, - deyə o əlavə edib.

Putinin Vətən Günü - ölkənin hərbi nailiyyətlərini qeyd etmək üçün nəzərdə tutulmuş Rusiya bayramı üçün fikirlər söyləyib və müasir, səmərəli Orduya, eləcə də Hərbi Dəniz Qüvvələrinə arxalandığını vurğulayıb.

Daha sonra o, "Həqiqi döyüş təcrübəsinə əsaslanaraq, biz Silahlı Qüvvələrin bütün hissələrinin balanslaşdırılmış və keyfiyyətli inkişafını davam etdirəcəyik, bölmələrin təlim sistemini təkmilləşdirəcəyik.
Burada möhkəm zəmin cəbhədə döyüşlərdə öz ləyaqətini göstərən əsgərlər, çavuşlar və zabitlərdir” - deyə, əlavə edib.

Kanal14.az
Ulduz Talıblı