Bunu Sputnik Azərbaycan-a Yaxın Şərqdəki vəziyyəti şərh edərkən Prezident yanında Dövlət İdarəçilik Akademiyasının müəllimi, politoloq Zaur Məmmədov deyib.

Politoloqun sözlərinə görə, baş verən hadisələr Azərbaycanın geosiyasi və geocoğrafi əhmiyyətini artıracaq: "Regionda baş verən hadisələr qlobal güclərin Azərbaycana baxışını dəyişəcək. Regiondakı gərginlik Azərbaycanın Cənubi Qafqazdakı aparıcı dövlət rolunu önə çıxaracaq. Həmçinin bu gərginliyin fonunda Azərbaycan-Rusiya münasibətləri daha da güclənəcək. Ümumilikdə Azərbaycan 2019-cu ilə İsrail, ABŞ və Rusiya üçün vacib ölkə olaraq daxil olacaq”.