Gündəm / Siyasət

Milli Məclisdə “Məşğulluq haqqında” qanunun monitorinqi aparılacaq

Milli Məclisdə

"Kanal14.az" xəbər verir ki, Milli Məclisdə "Məşğulluq haqqında” qanunun monitorinqi aparılacaq.

Bunu Milli Məclisin Əmək və sosial siyasət komitəsinin sədri Musa Quliyev deyib.

Komitə sədri bildirib ki, bu məsələ komitənin 2022-ci il yaz sessiyası üçün iş planına daxil edilib: "Bu qanunda əlavə və dəyişikliklərə ehtiyac var. Milli Məclisin əvvəlki sessiyalarında da bu məsələlər qaldırılıb. Qanunun monitorinqi aparılacaq, deputatlar öz fikirlərini söyləyəcək və hansı maddələrə dəyişiklik ediləcəyi müəyyənləşəcək”.

Qeyd edək ki, Milli Məclisin Əmək və sosial siyasət komitəsinin iclası 26 yanvar 2022-ci ildə keçiriləcək.