Ukrayna Təhlükəsizlik Xidmətinin İstintaq İdarəsinin keçmiş rəisi, general-mayor Vasili Vovk ölkənin şərqindəki gərgin situasiyaya toxunub.

Modern.az Ukrayna KİV-nə istinadən xəbər verir ki, Vovk Donetsk və Luqansk vilayətlərində başlaya biləcək hərbi əməliyyatların ölkənin daha ağır məğlubiyyətə düçar olmasına gətirib çıxara biləcəyini əlavə edib.

"Hamı anlayır ki, NATO olmadan biz müharibəni uda bilmərik. Birinci sual: NATO üzvü olsaq, NATO Rusiya ilə müharibəyə gedəcəkmi? Böyük sualdır. Çətin ki. Yəqin ki yox. İndi bizdə nə Krım var, nə də Donbasın bir hissəsi. Hamı da deyir ki, NATO-ya üzv olmalıyıq. Ərazi bütövlüyü olmayan ölkə NATO-ya üzv ola bilməz”- deyə Vovk deyib.

Xüsusi xidmət orqanlarının generalı Ukraynanın müharibə olarsa, Donetsk və Luqanskla yanaşı, Xarkov, Xerson və Nikolayev vilayətlərini də tam itirə biləcəyini düşünür.