Gündəm / Cəmiyyət / Sosial

Bakıda yük maşını 10 metr hündürlükdən aşdı, toyuqlar yola dağıldı - Ağır yaralı var - YENİLƏNİB - FOTO


Bakı D12airəvi-1 avtomobil yolu ilə Bakı-Sumqayıt yolu istiqamətində hərəkət edən yük maşınının sürücüsü idarəetməni itirərək yoldan kənara, təqribən 10 metr hündürlükdən Biləcəri enişindəki yola aşıb. Nəticədə sürücü ağır bədən xəsarətləri ilə təcili olaraq xəstəxanaya çatdırılıb.

Bu barədə Milli.Az-a Azərbaycan Avtomobil Yolları Dövlət Agentliyindən bildiriblər. Qeyd olunub ki, qəza zamanı yol infrastrukturuna da ziyan dəyib:

"Bu gün səhər saatlarında Bakı Dairəvi-1 avtomobil yolunun Bakı-Quba-Rusiya Federasiyası ilə dövlət sərhədi avtomobil yoluna (Bakı-Sumqayıt yolu) birləşən hissəsində ağır yol-nəqliyyat hadisəsi baş verib.

Belə ki, Bakı Dairəvi-1 avtomobil yolu ilə Bakı-Sumqayıt yolu istiqamətində hərəkət edən yük maşınının sürücüsü idarəetməni itirərək yoldan kənara, təqribən 10 metr hündürlükdən Biləcəri enişindəki yola aşıb. Nəticədə sürücü ağır bədən xəsarətləri ilə təcili olaraq xəstəxanaya çatdırılıb.

Qəza nəticəsində deformasiyaya uğramış yük maşını yolun hərəkət hissəsindən qaldırıcı kran vasitəsi ilə kənarlaşdırılıb. Qəza zamanı yol təsərrüfatına da ziyan dəyib, yol kənarında olan əyri-xətli dəmir tirlər, yol nişanı və məlumatverici lövhə sıradan çıxıb.

Qəzanın fəsadlarının aradan qaldırılması və yol ilə avtonəqliyyat vasitələrinin hərəkətinin təmin olunması üçün əraziyə agentliyin canlı qüvvəsi cəlb olunub.

Xoşbəxtlikdən qəza zamanı yük maşınının aşdığı hissədə başqa avtomobillər olmayıb".

----------
10:24

Bakının Biləcəri dairəsi yaxınlığında yük avtomobili aşıb.

Bu barədə Milli.Az-a Bakı Nəqliyyat Agentliyindən məlumat verilib. Məlumatda bildirilir ki, hadisə nəticəsində Moskva prospektindən bu istiqamətdə gələn nəqliyyat vasitələrinin hərəkəti məhdudlaşdırılıb.

Avtomobillər Bakı-Sumqayıt yoluna yönləndirilir. Bu səbəbdən də paytaxtdan Xırdalan dairəsi istiqamətində nəqliyyat vasitələrinin hərəkətində sıxlıq müşahidə edilir.

Mövcud vəziyyətdə bu istiqamətdə müntəzəm marşrut xətləri üzrə avtobusların hərəkətində də çətinliklər yaranıb.

Qeyd edək ki, maşında toyuq məhsulları olub.