BDU tələbələrinin təqaüdü niyə AZALDI?.. - AÇIQLAMA
Bakı Dövlət Universiteti dünən tələbələrə fevral ayının təqaüdünü ödəyib. Amma ödənilən təqaüdlərin miqdarındakı nəzərəçarpan azalma tələbələrin narazılığı ilə qarşılanıb. Belə ki, hər bir tələbənin təqaüdündə ən azı 25-30 manat çıxılıb ki, bunun da səbəbi izah olunmayıb.
Məsələn, 110 manat "zərbəçi təqaüdü” alan tələbələrə 80 manat, 130 manat "əlaçı təqaüdü” alanlara isə 95 manat ödənilib.
Məsələ ilə bağlı Modern.az-ın əməkdaşı universitetin mətbuat katibi Günel İskəndərova ilə əlaqə saxlayıb.
Maraqlıdır ki, mətbuat katibi təqaüdlərdə heç bir azalmanın olmadığını qeyd edib:
"Təqaüdlərin verilməsində və məbləğində heç bir problem yoxdur. Sadəcə, I semestr uzadıldığına görə tələbələr fevralın ilk həftəsinin pulunu keçən ay alıblar. Digər 21 günlük müddətin təqaüdü isə dünən ödənilib”.