Nazirlikdən məktəbin üçüncü mərtəbəsindən yıxılan şagirdlə bağlı AÇIQLAMA - FOTO
Bildiyimiz kimi, 7 sentyabr 2020-ci il tarixində Bakının Binəqədi rayonu, Sulutəpə qəsəbəsində yerləşən 313 nömrəli tam orta məktəbin IX sinif şagirdi Solmaz Hacıyeva üçüncü mərtəbədən yıxılaraq xəsarət alıb.
Kanal14.az bildirir ki, xəsarət nəticəsində məktəbli müxtəlif bədən xəsarəti diaqnozu ilə xəstəxanaya yerləşdirilib.
Məlumatda deyilir: "Təhsil Nazirliyi olaraq bu hadisədən məyus olduğumuzu bildirir və Solmazın tezliklə sağalaraq təhsilə qayıtmasını arzulayırıq. Hadisə ilə bağlı Təhsil nazirinin müşaviri R.Ağayev uşağa xəstəxanada baş çəkib, məktəblinin valideynləri ilə görüşüb və müalicənin gedişi ilə maraqlanıb.
Bir daha bildiririk ki, Təhsil Nazirliyi olaraq Solmazın və onun aiəsinin yanındayıq və hazırda ən vacib məsələ Solmazın sağlamlığıdır. Təhsil Nazirliyi hadisənin təfərrüatının araşdırılmasını diqqətdə saxlayır və ictimaiyyəti bu araşdırmanın nəticələri barədə məlumatlandıracaq”.