"Hansı şəhərlərdə ki, avtobus ödənişləri kartla həyata keçirilir o şəhərlərdə belə bir sistem var. Bizim indi əsas məqsədimiz kartlaşdırma sistemini ilin sonuna kimi yekunlaşdırmaqdır. Kart sistemi tam təmin olunduqdan sonra bu kimi məsələlərə baxılacaq. Amma deyə bilərəm ki, bu hal istisna olunmur. Məsələn, siz saat 9-da evdən çıxıb işə gedirsiniz, amma digər qrup insanlar isə həmin saatda evdən çıxıb anasıgilə gedir. Düşünürəm ki, bu sərnişin axınının idarə olunmasında köməkçi olacaq. Ona görə bu kimi halların qarşısını almaq üçün elə bir sistem tətbiq olunada  bilər olunmayada”.

M.Ağayev eyni zamanda bir aylıq ödəmə sistemi məsələsinə də aydınlıq gətirib: "Məsələn, bu gün hər kəs deyir ki, niyə BakıKart terminalı yoxdur? Bizdə onun təhlili zamanı baxırıq ki, bir adam gün ərzində 27 dəfə ödəniş edir. Bu da həmin adamın çox zamanını alır. Mən bildiyim qədəri ilə Türkiyədə bu təcrübə olmalıdır. Yəni, bir dəfəlik 1 aylıq ödəniş etdikdə əlavə bonuslar gəlir və güzəştlər olunur. Bütün bunların hamısı rahatçılıq üçündür. Amma təbbi ki, bu məsələlər kartlaşdırılma sistemindən sonra düşünülə bilər. Mütləq demirəm ki, bu məsələ 100% həyata keçəcək. Kartlaşdırılma sistemindən sonra bu barədə düşünüləcək və uyğun olsa tətbiq olunacaq”.