Bakı Ağır Cinayətlər Məhkəməsində qəsdən adam öldürməkdə təqsirləndirilən Anar Əsgərovun cinayət işi üzrə məhkəmə iclası başa çatıb.

kanal14.az Trend-ə istinadən xəbər verir ki, hakim Fikrət Qəribovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə A.Əsgərov 17 il azadlıqdan məhrum edilib.

İttihama görə, ötən il "Neft Daşları"nda Azərbaycan Dövlət Neft Şirkətinin (SOCAR) "Neftqaztikinti” Trestinin 5 saylı Tikinti Quraşdırma bölməsində, bölmənin fəhlələri Əsgərov Anar Təbriz oğlu və Xalıqov Azər Ədalət oğlu arasında mübahisə baş verib.

Nəticədə A.Əsgərov A.Xalıqova bıçaqla xəsarət yetirib. O, aldığı xəsarətdən hadisə yerindəcə dünyasını dəyişib.